Kryeministri Edi Rama ka vijuar edhe sot të luajë rolin e centralistit duke folur me qytetarë të ndryshëm në telefon, që i janë drejtuar për problematika të ndryshme.
Një nga qytetarët i ka kërkuar Ramës mundësinë për leje pasi do të shkonte në Greqi nga mali. Rama është treguar i prerë, duke i thënë qytetarit që të rrijë në shtëpi. Ndërkohë qytetari i ka kërkuar ndonjë lek për të pagguar energjinë, ndërsa përgjigjia ka qenë edhe më e prerë: lekë s´ka dhe duhet të paguash faturat e energjisë.
“Është e pamundur të hy në diskutimin për dritat se është një mall që prodhohet dhe si i tillë paguhet. Më mirëkuptoni edhe mua kjo është një kohë lufte”, tha Rama.
Biseda
Rama: Kush i bie këtij telefoni? Alo…
Qytetari: Fatmiri jam, ti i re…
Rama: Edi jam unë, Edi Rama. Ke shkruajtur në portal për një leje për lëvizje, si është puna?
Qytetari: Po ndonjë leje për të dalë nga mali për ndonjë punë, se ngelëm brenda pa lekë e pa bukë…
Rama: O ca malesh o vëlla?! Rrini në shtëpi do ju ndihmojmë…nuk ke punë nëpër male… të përqafoj…
Qytetari: Po mirë po rrimë në shtëpi, po ndonjë lekë dore për dritat…
Rama: Lekë në dorë s’ka! Do të ndihmojmë sa për të ekzistuar, për të mbajtur frymën.
