Numri i pacientëve të shëruar nga koronavirusi në Shqipëri ka shkuar në 52, pasi 5 pacientë lanë spitalin Infektiv pasditen e sotme.
Lajmi bëhet i ditur nga ministrja e Shëndetësisë, Ogerta Manastirliu, e cila shkruan në rrjetet sociale, se pacientët që lanë spitalin ishin nga Tirana, Fieri dhe Kavaja.
Sipas ministres, 2 prej tyre tre kanë qenë në gjendje të rënduar, por pas më shumë se 12 ditë trajtimi intensiv ja dolën të mposhtnin koronavirusin.
“Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga COVID-19
Mjekët thonë se dy prej tyre kanë qenë në gjendje të rënduar, por pas më shumë se 12 ditë trajtimi intensiv me medikamentet që sot përdoren për trajtimin e COVID-19 edhe në vendet e tjera të Botës, ja kanë dalë ta mundin sëmundjen dhe sot u kthyen në shtëpi
Deri tani 52 të shëruar nga COVID-19”, shkruan Manastirliu.
