Ramush Haradinaj ka thënë se mbështetja e partisë së tij AAK ndaj mocionit të LDK-së për shkarkimin e qeverisë së Albin Kurit, është tërësisht parimore dhe se ka të bëj me heqjen e taksës 100 për qind ndaj produkteve serbe dhe boshnjake.
Haradinaj u shpreh se Kurti nuk i ka respektuar këshillat e thirrjet e tij. Sipas ish-kryeministrit, nëse Kurti do të mbante në fuqi taksën, AAK do të ishte me të në ditën e mocionit.
“Po ta kish mbrojt zoti Kurti taksën, do të isha me të në ditën e mocionit. Ai nuk ka marrë parasysh letrat tona, lutjet tona. E ka heqë taksën pa nder dhe pa kundërvlerë”, – ka thënë Haradinaj në TV Dukagjini.
