Ministrja e Shëndetësisë, Ogerta Manastirliu, përmes një postimi në rrjetet sociale, bëri të ditur se edhe dy mjekë, pjesë e spitalit “Shefqet Ndroqi”, të prekur nga Coovid 19, janë shëruar.
Manastirliu shkruan se “2 mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik”.
Ajo njofton se numri i personelit mjekësor të shëruar në Tiranë dhe Durrës ka arritur në 8.
“Deri tani janë 40 pacientë dhe staf mjekësor që e kanë fituar betejën me COVID-19”, shkruan Manastirliu.
