“Rama bëri propogandë edhe me dërgimin e mjekëve në Itali”/ Lubonja apel Parlamentit dhe Presidentit

Analisti Fatos Lubonja ka reaguar me një postim në rrjetet sociale lidhur me dërgimin e 30 mjekëve dhe infermierëve shqiptarë në Itali.

Lubonja shkruan se Edi Rama bëri një veprim të tillë për propagandë.

“Shqipëria ka mbylljen më ekstreme, si në asnjë vend tjetër të Evropës dhe nëse deri sot e kemi pranuar këtë sakrificë, tani del se ne duhet ta bëjmë këtë, që Edi Rama të bëjë propagandë në Itali.

I bëj thirrje Presidentit, Parlamentit, Qeverisë që ose këta mjekë të kthehen sa më parë, ose që lejet tona të lëvizjes të bëhen të paktën si të Italisë”, shkruan Lubonja.

Postimi nga Fatos Lubonja

Dëgjova në lajmet e mbrëmjes se qeveria Shqiptare ka dërguar 30 mjekë e infermierë në Itali. Ajo që mendova ishte: Italia, edhe pse shumë më e infektuar se Shqipëria nuk i ka mbyllur njerëzit me qen e me mace në shtëpi si tek ne – ku na kërkohet deri që t’i kërkojmë 24 orë përpara leje policisë për të dalë vetëm 60 minuta një pjesëtar i familjes të bëjë pazarin.

LEXO EDHE  Shehi: Një tjetër marrëveshje me Ramën do të ishte turpi më i madh i Lulzim Bashës

Deri sot e kemi justifikuar këtë mbyllje ekstreme tonën, si në asnjë vend tjetër në Evropë, megjithëse kemi vetëm 10 të vdekur, me gjendjen tejet të dobët të sistemit tonë shëndetësor dhe rrezikun që mund të na presë nesër nga kjo.

Tani na del se ne duhet ta bëjmë këtë sakrificë ekstreme, që Edi Rama të bëjë propagandë në Itali.

I bëj thirrje Presidentit, Parlamentit, Qeverisë që ose këta mjekë të kthehen sa më parë, ose që lejet tona të lëvizjes të bëhen të paktën si të Italisë.