Nënat italiane po protestojnë prej pak ditësh në mbrojtje të argëtimit dhe lojrave të fëmijëve. Të mbyllura në karantinë, për t’iu shmangur pandemisë Covid-19, kërkojnë me çdo kusht që lapsat me ngjyra të konsiderohen nevojë themelore.
“Ne nënat po përballemi me këtë urgjencë çdo ditë. Këto të fundit e kemi për detyrë t’ua bëjmë fëmijëve tanë plot ngjyra”-shkruan njëra prej tyre në Facebook. #ildirittoalgioco (e drejta për të luajtur) dhe#bimbicoraggiosi ( fëmijë kurajozë), janë pikërisht këto grupe fjalësh që hasen pothuajse në çdo postim.
Pjesa më e madhe e supermarketeve në Piemonte, Parma, Treviso, Abruzzo dhe Umbria nuk shesin më lapsa me ngjyra, ngjitëse, fletore dhe skica, duke ndjekur kështu dekretet e kryeministrit Giuseppe Conte, lidhur me kufizimet e aktiviteteve individuale.
Ato nuk konsiderohen si mallra për “nevoja themelore”. Kësisoj, Amazon po zgjedh gjithashtu mes kërkesave për blerje në internet, duke preferuar dërgesat thelbësore (maska, doreza, dezinfektues), nga ato që konsiderohen të tepërta (CD, libra, lojëra).
Por, nënat shtrojnë një pyetje mjaft provokuese: Fëmijët nuk mund të jenë më fëmijë?
DENONCO