Një e sëmurë me koronavirus është operuar me sukses, të shtunën në mbremje, në spitalin e Sanatoriumit në Tiranë.
Vajza 18-vjeçare nga Lezha është paraqitur në spital me apandesit të gangrenizuar, dhe për këtë është kërkuar një ndërhyrje nga ekipi mjekësor.
Burime bëjnë me dije për Faxweb.al se ndërhyrja është kryer nga kirurgu Ylber Vata dhe ekipi i tij.
Pacientja është në gjendje të mirë shëndetësore në Sanatorium, ku pritet të bëhet dhe rikuperimi i saj, dhe më pas do të duhet të trajtohet dhe për Covid19. /Faxnews/
