VIDEO/ 30 mjekët dhe infermierët shqiptarë nisen drejt Italisë për të ndihmuar në luftën ndaj COVID-19

30 mjekë dhe infermierë janë nisur drejt Italisë për t’iu bashkuar luftës në vendin fqinj ndaj koronavirusit Ata u përcollën nga kryeministri Edi Rama dhe ministrja e Shëndetësisë, Ogerta Manastirliu.

“Është e vërtetë që sot të gjithë janë mbyllur në kufijtë e tyre. Mbase pikërisht pse nuk jemi të pasur dhe nuk na ka lënë kujtesa akoma, t’i tregojmë Italisë se nuk e harrojmë mikun në vështrësi”, tha Rama.

Kreu i qeverisë shtoi se “kjo është një luftë ku askush nuk fiton dot i vetëm”.

“Dhe ju të dashur anëtarë dhe anëtare të një misioni kurajoz po niseni për një luftë që është edhe e jona”, nënvizoi kreu i qeverisë.

LEXO EDHE  Lubonja: Yuri Kim e njëanshme, Rama po e çon vendin në luftë civile

Mjekët do të mbërrijnë në aeroportin e Romës, por do të veprojnë në të gjithë qytetin e Bergamos, ku do të transferohen.

Vajtja e personelit shëndetësor shqiptar në Itali është fryt i një marrëveshjeje mes kryeministrit shqiptar Edi Rama dhe ministrit të jashtëm italian Luixhi Di Maio.

Mjekët do të qëndrojnë në Itali një muaj dhe do të paguhen nga Shqipëria.

ITALIA ËSHTË SHTËPIA JONË🇦🇱🇮🇹 SOT JEMI TË GJITHË ITALIANËITALIA E CASA NOSTRA🇦🇱🇮🇹OGGI SIAMO TUTTI ITALIANI

Gepostet von Edi Rama am Samstag, 28. März 2020