Futbollisti i kombëtares së Shqipërisë, Frederic Veseli, u largua nga skuadra e Empolit për t firmosur me Le Mans në Francë.
Në një lidhje për Supersport me anë të “Skype”, ai rrëfeu për arsyen e largimit nga Empoli dhe kalimin te Le Mans.
“Qëllimi im ishte të qëndroja tek Empoli, nuk doja të largohesha, por ndodhën disa probleme me drejtorët e klubit. Unë kam kërkuar të largohem, sepse më thanë që nuk do të luaj më. U befasova, pasi ai lajm më erdhi me datë 16 janar, shumë vonë në merkato”.
“Më ka ardhur një ofertë nga Kina, por nuk doja të largohesha nga Europa. Zgjodha Le Mans, ka një projekt shumë të mirë dhe zgjodha të largohesha nga Empoli për të luajtur. Plus, doja të provoja një kampionat tjetër, një shtet tjetër. Gjëja pozitive për mua është se di të flas frëngjisht”.
