Pandemia COVID-19 është bërë një rrezik serioz për gjithë globin, pasi shifrat po bëhen gjithnjë e më alarmante.
Koronavirusi ka prekur 198 vende dhe territore në të gjithë botën dhe 1 transportim ndërkombëtar (anija lundrimi Diamond Princess që ndodhet në Yokohama, Japoni).
Deri në momentin e raportimit të këtij lajmi regjistrohen 24883 viktima nga koronavirusi në të gjithë botën. Numri i të shëruarve nga kjo pandemi është 128701, por ndërkohë 395890 pacientë janë të infektuar aktiv me COVID-19.
Italia ka përqindjen më të lartë të vdekjeve si pasojë e koronavirusit. Në këtë vend, që ka edhe numrin më të madh të vdekjeve në botë, përqindja e rasteve që kanë përfunduar me vdekje është mbi 10%, që i bie se çdo i dhjeti përfundon me fatalitet.
Italia deri tani ka konfimruar 80.589 raste me Covid-19, derisa kanë vdekur 8.215.
Pas Italisë, vjen Irani për nga përqindja. Në Iran janë 29.404 të infektuar, ndërsa kanë vdekur 2.234, që në përqindje i bie 7.59.
Ndërkohë për numrin e viktimave, renditet Spanja në vend të dytë me 4858 të vdekur nga 64059 raste të konfirmuara me COVID-19.
Mes 10 vendeve më të prekura në botë me këtë virus e që e ka përqindjen më të vogël të të vdekurve është Gjermania me 0.59 për qind. Përafërsisht i bie se vdes çdo i 170-ti person që del pozitiv në Covid-19.
SHBA-ja mbrëmë ka dalë në krye të listës të të infektuarve me 85.612 raste. Në këtë vend, 1.51 për qind të personave të infektuar kanë vdekur. Deri më tash janë shënuar 1.301 vdekje.
