Vetëm një person nga familja do të dalë për të bërë pazar dhe kjo vetëm pasi të ketë marrë leje-daljen nga policia. Masa e re do të aplikohet prej së hënës së javës së ardhshme.
Kjo masë që kufizon edhe më tej lëvizjet e qytetarëve u bë publike nga Kryeministri Edi Rama, ndërkohë që nuk dihet se si do të mund të veprohet në rastet e pensionistëve, që ndoshta mund t´a kenë të pamundur aplikimin online.
Ndërkohë, në fundjavë prej orës 13:00 të së shtunës deri në orën 05:00 të së hënës nuk do lejohet qarkullimi.
Postimi nga Rama
🔴 GATI APLIKACIONI ONLINE OSE ME SMS PËR LEJE-DALJEN E VETËM NJË PERSONI NGA FAMILJA PËR TË BËRË PAZAR!
🔴 NJËSOJ SI JAVËN E SHKUAR, NGA ORA 13.00 NESËR DERI TË HËNËN 05.00 TË GJITHË NË SHTËPI DHE TË GJITHË QEPENAT MBYLLUR!
🔴 NGA E HËNA ASKUSH NUK DEL DOT MË NË PAZAR, PA MARRË LEJEN DIGJITALE ME E-MAIL OSE TELEFON NË EMËR TË FAMILJES
*pas pak do të bëjmë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane
