“Me Ilirin ka plasur dashuria”, Monika Kryemadhi tregon raportin me bashkëshortin në karantinë

Kryetarja e partisë së Lëvizjes Socialiste për Integrim, Monika Kryemadhi ka qenë pasditen e sotme në një lidhje direkte me Bieta Sulon në ‘Ftesë në 5’.

Ajo ka treguar se si kanë shkuar këto ditë për familjen Meta, teksa kanë treguar kujdesin maksimal ndaj virusit ‘Covid-19’.

Monika u shpreh se gjatë kësaj periudhe e ka hequr prizën e politikës dhe se është dobësuar aq shumë sa telefoni nuk e njeh më fytyrën e saj. Përveç kësaj Kryemadhi ka treguar se përveç pompave që ka publikuar në llogarinë në ‘Instagram’, ka bërë edhe 100 të tjera pasi përgatitej me tre fëmijët e saj, të cilët e udhëzonin se si duhet të mbante trupin e saj.

LEXO EDHE  Trashëgimtarja e "Top Channel" zbulon se vuan nga ankthi: Jeta ime nuk është gjithnjë e bukur

Monika tregoi më shumë detaje rreth raportit me Presidentin e vendit, z. Ilir Meta.

“Për hir të vërtetës ka plasur dashuria e madhe me Ilir, nuk kemi mundësi për fëmijë të katërt. Mbas operacionit vitin e kaluar nuk kam mundësi për fëmijë të tjerë dhe i gëzohem 3 fëmijëve që kam dhe i lutem zotit të kenë jetë dhe të bëhen të pavarur,“- tha ajo.

Ajo tregoi se është përkushtimi i z. Ilir ndaj fëmijëve që ka bërë që dyshja të ketë shumë dashuri gjatë këtyre ditëve.