Pandemia COVID-19 është bërë një rrezik serioz për gjithë globin, pasi shifrat po bëhen gjithnjë e më alarmante.
Koronavirusi ka prekur 198 vende dhe territore në të gjithë botën dhe 1 transportim ndërkombëtar (anija lundrimi Diamond Princess që ndodhet në Yokohama, Japoni).
Deri në momentin e raportimit të këtij lajmi regjistrohen 22174 viktima nga koronavirusi në të gjithë botën, ku shteti me numrin më të lartë është Italia me 7503 viktima. Pas saj vjen Spanja me 4089 të vdekur duke lënë pas Kinën me 3287.
Ndërkohë që dhe Irani ka një numër të lartë të vdekurish nga COVID-19 ku deri tani regjistrohen 2234 viktima. Pas saj vjen Franca, e cila është shteti i pestë që kalon shifrën e një mijë viktima, duke patur në total 1331.
Numri i të shëruarve nga kjo pandemi është 118060, por ndërkohë 351470 pacientë janë të infektuar aktiv me COVID-19.
