Manchester United është afër transferimit të futbollistit të Dortmund, Jadon Sancho.
Sipas mediave evropiane, “Djajtë e Kuq” kanë fituar garën me Liverpoolin dhe Chelsean dhe gjatë merkatos së verës, anglezët, do të ofrojnë 120 milionë euro për 20-vjeçarin, shifër kjo e parezistueshme për verdhezinjtë.
Nëse kjo lëvizje do të kompletohej, atëherë kjo do të ishte blerja më e shtrenjtë në historinë e klubit, rekord që tashmë e mban transferimi i Pogbas nga Juventusi për shifrën e 97 milionë eurove.
Duke siguruar futbollistin, Man.United, do të hidhte një hap të madh drejt rindërtimit të skuadrës dhe për tu rikonfirmuar përsëri mes më të mirëve në europë.
Anësori anglez, konsiderohet si një nga futbollistët të ri më të talentuar në botë, ndërsa këtë sezon për Borussia Dortmund, ai ka luajtur 35 ndeshje dhe ka shënuar 17 gola.
