Ekspertët e Grupit të Punës së Shtëpisë së Bardhë shprehën alarmin për ritmet e infektimit me koronavirus në Nju Jork dhe këshilluan personat që kanë qenë në atë qytet, që të vendosen në karantinë për 14 ditë.trump
Koordinatorja për përgjigjen ndaj koronavirusin, Dr. Deborah Birx paraqiti statistika të zymta për përhapjen e virusit në Nju Jork.
“Vazhdojmë të mbetemi thellësisht të shqetësuar për qytetin e Nju Jorkut dhe zonës përreth”, tha ajo.
“Është një situatë shumë serioze. Ajo që po shohim është se njerëzit në mënyrë të kuptueshme duan të ikin nga Nju Jorku”, tha Dr. Anthony Fauci, drejtor i Institutit Kombëtar të Alergjive dhe Sëmundjeve Infektive.
Dr. Birx, tha se rreth 56 për qind të të gjitha rasteve në Shtetet e Bashkuara dhe rreth 60 për qind të të gjitha rasteve të reja, janë në zonën e Nju Jorkut.
Ajo shtoi se mbi 30 për qind e viktimave në Shtetet e Bashkuara janë nga Nju Jorku dhe rrethinat. /VOA/
