Korça deri para 48 orësh ishte një nga qytetet e paprekura nga Covid 19, ndërkohë që sot numëron plot 9 raste, duke kaluar në qytetin më të prekur në vend pas Tiranës dhe Fierit.
Në Korçë u zbuluan fillimisht 3 raste, dy të moshuar dhe një 33-vjeçar. Por gjurmimi i kontakteve të tyre ka zbuluar edhe 6 të prekur të tjerë me koronavirus.
Ndërkohë raportohet se një nga rastet e reja është punonjëse e Kadastrës së Korçës, çka duket se ka detyruar 53 punonjësit e këtij institucioni të vetëkarantinohen.
4 prej rasteve të reja të zbuluara në Korçë kanv lidhje me çiftin e të moshuarve, që mendohet se u infektuan nga mbesa e tyre që kishte ardhur në Shqipëri nga Italia, ndërsa dy të tjerët janë kontakte të 33-vjeçarit.
