Sulmuesi i Real Madrid, Luka Joviç, ka shkaktuar trazira të mëdha në vendlindjen e tij, Serbi.
22-vjeçari me të mbërritur në Serbi nga Madridi, nuk iu bind urdhrit të qeverisë për të qëndruar i izoluar, por vendosi të dalë të festojë ditëlindjen e së dashurës, Sofija Miloseviç.
Në lidhje me këtë veprim, ka reaguar edhe kryeministri serb, Aleksandër Vucic, i cili ka zbuluar se lojtari është nën hetim dhe nëse shpallet fajtor do të futej në burg.
Duke u rikthyer tek e dashura e Joviç, Sofia Miloseviç është një modele shumë e njohur në Serbi, ku karrierën e ka filluar në moshën 14-vjeçare. Përpara se të njihej me Joviç ajo është shoqëruar me futbollistë të tjerë si Adem Ljajic, Dusko Tosic por edhe me tenistin serb Viktor Troicki.
Jovic dhe Miloseviç tashmë frekuentohen me njëri tjetrin prej një viti, ndërsa lidhja e tyre filloi si pjesë e një skandali. Sipas mediave të ndryshme, çifti është takuar dhe dilnin së bashku ndërsa Joviç ishte në një lidhje tjetër dashurore, por këtë pretendim futbollisti serb nuk e pranon.
