Ministra e Shëndetësisë, Ogerta Manastirliu ka konfirmuar lajmin e publikuar më herët nga BoldNews.al, se drejtori i Urgjencës Kombëtare, Skënder Brataj është infektuar me COVID-19.
Përmes një reagimi në rrjetet sociale, Manastirliu bën me dije se gjendja shëndetësore e Brataj, paraqitet e stabilizuar dhe ndodhet në vetëizolim në shtëpine e tij.
Brataj është pjesë e Task Forcës të ngritur nga Ministria e Shëndetësisë për Covid 19.
Brataj iu nënshtrua dje testit të Covid 19 nga ku ka rezultuar pozitiv.
“Dr. Skënder Brataj është konfirmuar pozitiv ditën e sotme pas kryerjes së analizës për Covid19. Deri tani gjendja e tij paraqitet e stabilizuar dhe Dr. Brataj ndodhet në vetëizolim, në shtëpinë e tij.
Uroj me shpirt ta kalojë sa më lehtë këtë situatë dhe t’i bashkohet sa më shpejt, i shëruar plotësisht, ekipit tonë që po lufton çdo ditë me këtë armik!”- shkruan Manastirliu në Facebook.
