Brenda një dite janë regjistruar 6 viktima nga koronavirusi, në Kosovë, Shqipëri, Mali i Zi dhe Maqedoninë e Veriut.
Në Kosovë dje ka ndërruar jetë një 82-vjeçar nga Podujeva i cili kishte probleme edhe me sëmundje tjera kronike. I ndjeri ishte prekur nga koronavirusi pasi kishin ardhur fëmijët e tij nga Italia.
Ndërkaq në Shqipëri dje dhe sot kanë vdekur dy persona nga COVID-19.
Maqedonia e Veriut po ashtu ka raportuar dje viktimën e parë nga Coronavirusi, ndërsa sot Ministria e Shëndetësisë ka njoftuar për vdekjen e dytë në këtë shtet.
Edhe në vendin me më pak të prekur nga Coronavirusi, Mal të Zi, është shënuar viktima e parë. Atje ka ndërruar jetë një 65-vjeçar i cili kishte probleme me mushkëri. I ndjeri kishte qenë në Serbi në gjysmën e parë të muajit mars dhe dyshohet se atje është prekur nga virusi.
Ndërkohë, në Serbi nuk është raportuar për ndonjë të vdekur nga COVID-19, gjatë 24 orëve të fundit.
Në total, numri i të vdekurve nga koronavirusi në Kosovë, Shqipëri, Mal i Zi, Maqedoni e Veriut dhe Serbi është 10 persona.
