Një 34-vjeçar ka ndërruar jetë ditën e sotme, pasi u infektua nga Covid-19. Përgjatë 5 ditëve, i riu ka qendruar në spital, duke luftuar për jetën.
Jeffrey Ghazarian, ka shënuar kështu personin më të ri në moshë që ka ndërruar jetë nga Coronavirus, në SHBA. Edhe pse Covid-19 ka rezultuar të mos jetë fatal për moshat e reja, problemet e hershme shëndetësore te Jeffrey kanë ndikuar në përkeqësimin e situatës.
Sipas të dhënave mjekësore, ai vuante nga bronkiti dhe azma. Gjithashtu, përpara 4 vitesh, kishte qenë edhe i sëmurë nga kanceri. Familjarët e tij kanë treguar se së fundmi, ai kishte udhëtuar drejt Disney World në Orlando, ku dyshohet se edhe është infektuar nga Covid-19.
Përveç vizitës në Disney, Jeffrey kishte marrë pjesë edhe në një konferencë dhe më pas kishte udhëtuar me avion drejt Los Angeles. Menjëherë pasi i filluan simptomat e para, 34-vjeçari iu drejtua spitalit. Sipas vizitës së parë ai rezultoi me pneumoni, ndërkaq doktorët i bënë edhe testin e Coronavirus. Ata i dhanë një recetë me antibiotikë dhe e dërguan të vetë-karantinohem në shtëpi.
Vetëm pak ditë më vonë, Jeffrey mësoi se ishte pozitiv ndaj Covid-19. Ai u dërgua përsëri në shtëpi, por këtë herë ishte i lidhur me aparatura të cilat do e ndihmoni të merrte frymë. Mushkëritë e tij punonin me vetëm 60% të kapacitetit normal.
Situata u përkeqësua, kur Jeffrey u vendos në koma mjekësore, ku mund të merrte frymë vetëm me anë të aparaturave, me shpresën se mushkërite e tij do të kishin përmirësim. Për fat të keq, pas disa ditësh në koma, Jeffrey ndërroi jetë.
