Ndërhyrjet kirurgjikale urgjente dhe ato të patologjive malinje nga dita e sotme do të kryhen në Spitalin e Traumës dhe aty do të shërbejnë edhe mjekë e anestezistë të Spitalit Universitar Nënë Tereza.
Kjo u bë e ditur nga ministrja Ogerta Manastirliu, e cila tha sot se Spitali i Traumës është mobilizuar i gjithi në funksion të pritjes së kirurgjive të urgjencës.
Ajo tha se ky spital është përforcuar me mjekë e infermirë, me një listë që do shtohet dita ditës sipas nevojës.
“Po bëhemi gati edhe për të hapur spitalin e dyte Covid, “Shefqet Ndroqi” ku dhe aty po bëhet organizim i mirëfilltë për burimet njerëzore që do shtohen dhe gjithë organizimit për ti bërë ballë këtij infeksioni e për të organizuar punën që të kemi sa më pak përhapje e të ruajme burimet tona njerëzore”, shprehet Manastirliu.
