Një paciente e infektuar me koronavirus është nisur me urgjencë drejt spitalit Infektiv në Tiranë në orët e vona të mbrëmjes së të enjtes, pasi gjendja e saj është përkeqësuar.
Pacientja e moshës 85 vjeç mësohet se vuan edhe nga sëmundje të tjera dhe gjendja e saj shëndetësore është rënduar.
Nga të dhënat, pacientja e fundit e shtruar në Infektiv vjen nga Patosi (Fier).
E moshuara ishte në vetëkarantinim prej disa ditësh, pasi kishte rezultuar pozitive në analizën e marrë paraditen e djeshme.
Mësohet se e moshuara është nëna e një pacienti 61 vjecar që ndodhet po i shtruar në spitalin Infektiv në Tiranë, nga i cili mësohet se mund të jetë infektuar.
Nga raportimet mësohet se 85 vjeçarja, gjatë kohës së karantinimit është asistuar nga mjekë të qendrës shëndetësore në Patos, por edhe ato të spitalit të Fierit.
