Përhapja e madhe e koronavirusitnëpër botë ka prekur gjithashtu edhe shumë VIP-a. Në këto ditë të vështira që po kalojnë ata po i inkurajojnë njerëzit që t’i binden izolimit dhe iniciativave tjera për të ndihmuar në këto kohë krize.
Aktorja Itziar Ituno, e njohur për rolin e Inspektores Raquel Murillo në serialin shumë të shikuar spanjoll, ‘La Casa de Papel’, ka qenë ndër rastet e fundit të konfirmuar me koronavirus, e cila e ka ndarë lajmin në rrjetet soaicale.
“Është zyrtare, që nga e premtja pasdite kam simptoma, temperaturë dhe kollë të thatë, dhe sot kam marrë informacionin nga testi epidemiologjik që kam bërë. Është koronavirus.
Rasti im është i lehtë dhe jam mirë po është shumë shumë ngjitës dhe shumë i rrezikshëm për njerëzit që kanë shëndet të dobët. Kjo nuk është asgjë, kini kujdes, mos e merrni me lehtësi, shumë kanë humbur jetën dhe shumë jetë tjera janë në rrezik dhe ne ende nuk e dimë se deri kur do të zgjasë kjo. Është koha e solidaritetit dhe zemërgjerësisë! Të qëndroni në shtëpi dhe të mbroni të tjerët. Tani i kam 15 ditë në vetizolim dhe do të shohim më tej”– ka shkruar aktorja në postimin e saj në Instagram.
