Shumë qytetarë të Kosovës i janë bashkuar thirrjes për protestë nga një grup aktivistësh me moton “Protestojmë n’ballkon” në orën 20:00 duke dalë nëpër dritaret dhe ballkonet e tyre e duke krijuar zhurmë me mjete të ndryshme të cilat nuk janë të rrezikshme si çelësa ose tenxhere dhe lugë.
“Revolta dhe protestimi prej ballkonit e ka një simbolikë të madhe dhe historike tek qytetarët e Kosovës. Gjatë viteve të ‘90-ta, qytetarët e Kosovës, nga ballkonet e dritaret e tyre kanë përdorur mjete të ndryshme të cilat krijojnë zhurmë për të shprehur revoltën ndaj sistemit shtypës të asaj kohe”, thuhej në një njoftim që është shpërndarë në rrjete sociale.
Pamje nga të gjitha anët e Kosovës dëshmojnë se qytetarët nuk janë të interesuar të përjetojnë edhe një krizë politike në vend pas prishjes së raporteve mes dy partive të koalicionit qeverisës, LVV-së e LDK-së.
https://www.facebook.com/portalikohanet/videos/493555384854455/
