Autoritetet vendase në Turqi kanë vendosur të pezullojnë kampionatin e futbollit si pasojë e rritjes së personave të infektuar me COVID-19. Përveç futbollit janë ndërprerë edhe kampionatet e basketbollit dhe volejbollit.
Në fakt ndaj Turqisë, presioni për të mbyllur aktivitetet sportive, ishte në rritje si nga futbollistët ashtu edhe nga organet qeverisëse të futbollit europian. John Obi Mikel tashmë ish-futbollist i Trabzonspor ndërpreu kontratën me klubin pasi nuk pranonte të zbriste në fushën e lojës.
Në Turqi të prekur nga coronavirusi janë 192 persona, ndërsa kanë ndërruar jetë 3 persona.
