“Çohu, vishu, mblidh shtabin e shko në front o Gjeneral; se ia more fytyrën, asaj përkrenares që ke në krah!” Kështu i drejtohet kryeministrit Edi Rama, Briken Fejzullai, i emëruar disa kohë si kryebashkiaku i natës në Tiranë, post që nuk e mban më.
Përmes një postimi në rrjetet sociale ai ka komentuar sjelljen e kreut të qeverisë në këtë kohë të vështirë që po kalon jo vetëm vendi jonë, por edhe pjesa më e madhe e globit nga virusi COVID 19.
Fejzullai shprehet se Rama në vend që të qendrojë me brekë, në shtëpinë e tij në Surrel, duhet të sillet si një gjeneral, të mbledhë shtabin, dhe të jetë në krye të detyrës, si mandatar i qytetarëve.
Postimi i Fejzullait:
Ke një javë që na flet për luftë e na jep mend, me brekë, nga bunkeri plot zogj e cicërima.
Çohu, vishu, mblidh shtabin e shko në front o Gjeneral; se ia more fytyrën, asaj përkrenares që ke në krah!
Bëhu serioz ti i pari; e do shohësh që edhe këta që sot e marrin me kaq sportivitet (a thua s’ia kap akoma “RAI-n”), do të bëhen më të ndërgjegjshëm e do ndryshojnë.
Ma beso!
Der’ at’herë… Përqaf nga larg!
