Dy kroçiera gjigande në Lumin Tamiz, që kalon përmes Londrës, janë vendosur në dispozicion nga pronarët e tyre, për t’u përdorur si spitale të lëvizshme.
Daily Mail raporton se pronarët e këtyre dy kroçierave, i kanë vënë ato në dispozicion të qeverisë, nëse do të jetë e nevojshme, në luftën kundër koronavirusit.
Ende nuk është marrë një vendim, nëse këto kroçiera luksoze do të përdoren nga sistemi shëndetësor në Britani.
Ato kanë 2 mijë kabina, të cilat mund të izolojnë pacientët dhe në këtë mënyrë të lirojnë shumë shtretër nëpër spitale, teksa vendi përballet me koronavirusin, një luftë që pritet të rëndëojë së tepërmi sistemin shëndetësor.
