Kevin Durant dhe tre lojtarë të tjerë të Brooklyn Nets janë infektuar me Covid-19, duke e çuar në gjashtë numrin e të prekurve me koronavirus në NBA.
Emrat e tre basketbollistëve të tjerë nuk janë bërë publik në njoftimin e ekipit, por Durant doli publikisht shumë shpejt për të folur për gjendjen e vet shëndetësore.
“Bëni kujdes të gjithë, kujdesuni për veten dhe qëndroni brenda. Do ta tejkalojmë edhe këtë”, tha Durant.
Të gjithë katër lojtarët e Nets, përfshirë Durantin, janë në karantinë. Vetëm njëri prej katërve është duke shfaqur simptoma.
Më herët në, NBA, u njoftua se të prekur nga virusi ishin edhe 2 lojtarët e Utah Jazz, Rudy Gobert dhe Donovan Mitchell.
