Shefi i Departamentit në ISHP, mjeku epidemiolog Alban Ylli, është shprehur dje se temperatura është shenja e parë kryesore për koronavirusin.
Në një intervistë televizive Ylli ka sqaruar kategoritë që janë më me rrezik dhe shenjat e para që paralajmërojnë se jeni i prekur me koronavirus.
“Temperatura është shenja e parë kryesore. Temperatura është e ndryshe, nëse e ke 37.8 e sipër mund të konsiderohet si shenjë e virusit, por ka edhe grip që qarkullon. Po ashtu edhe një kollë e thatë, me gjasë e shkaktuar nga një ngacmim respeirator, mund të jetë risk. Pra nëse keni temperaturë dhe kollë, me risk janë ata me sëmundje kardiovaskulare dhe me diabet, por edhe të moshuarit. Pra temperatura e shoqëruar me kollë”.
Në lidhje me pacientin që ëhstë drejt shërimit nga koronavirus, Ylli tha se, “pacienti i parë ka qenë në risk më të lartë për shkak të moshës. Pacienti zero është më i ri. I ati ka qenë në gjendje të mirë. Jam optimist se ky ka qenë në rrezik më të madh”.
I pyetur në lidhje me lajmin për grupetn e gjakut që janë më të ekspozuar ndaj koronavirusit, Ylli u shpreh se, “e kam dëgjuar këtë lajm, por është shumë herët për të dhënë një këshillë për publikun, jam lajme të publikuara nga Kina. Disa janë edhe tërhequr, pasi nuk ka pasur kohë për të kaluar në të gjitha proceset e veta, të shikohet nga kolegët”.
I pyetur se pse fëmijët janë më immune, Ylli tha se, “njerëzit të shmangin vizitat te mjeku i familjes nëse nuk janë të domosdoshme. Risku te fëmijët është shumë i vogël, askush nuk e di përse. Në informacionin e parë, një nga arsyet ishte se fëmijët janë më të mbrojtur për arsye sociale, janë larg spitaleve, janë në shkollë dhe se të rriturit sëmuren se janë në punë. Mund të ketë shumë arsye, sjella e tyre imunitare”.
Ylli tha se, “koronavirusi mund të kalojë edhe pa shenja”.
I pyetur nëse gratë shtatzëna janë të rrezikuara, Ylli tha se, “’jo në mënyrë specifike. E vetmja këshillë është që të tregohet e kujdesshme si deri sot, të vijojë që të marrë të njëjtat masa. Pra se si natyrë një grua shtatzënë është më e kujdesshme”.
I pyetur nëse anemikët janë më shumë të rrezikuar, Ylli theksoi se, “jo në mënyrë tipike për këtë, por këshilla është që sikur kanë qenë të kujdesshëm të vijojnë të zbatojë të njëjtat rregulla si më pare”.
Sa i përket personave me astmë, Ylli shtoi se, “ata me astmë janë më të rrezikuar. Kapaciteti i tij adaptues është i ulët, do ta quaja person me rrezik më të lartë”.
