Viktor Kola, njëri prej të infektuarve me koronavirus në Shqipëri, ka folur për herë të parë për mediat. Në një lidhje telefonike për “Open”, ai u shpreh se testi i parë i COVID-19 ka dalë negativ dhe se nesër do kryejë të dytin. Ai u shpreh se është nata e 10-të që qëndron në spital.
Ai deklaroi se ka patur temperaturë jo shumë të lartë, dhimbje koke dhe lodhje.
“S‘jam njeri i mediave. Pranova të jap këtë intervistë për të qetësuar publikun. Është panik i madh. Por është si një grip pak i rëndë. Kalohet me sportivitet. Spitali na ka shërbyer perfekt. Kam qenë në një dhomë me tim bir.“- u shpreh Kola.
