“Nëse rrimë të izoluar janë zero përqind shanset për t’u infektuar”, deklaroi dje mjeku Pëllumb.
Në një intervistë televizive, Pipero u shpreh se, ata që pijnë duhan janë më të rrezikuar. “faktet janë kokëforte në Kinë. Janë 76% e të prekurve meshkuj, të cilët shumica pinë duhan. Duhani është faktor i rëndësishëm në komplikimin e sëmundjes”.
I pyetur sesa mundësi ka të infektohet një grua shtatëzënë, Pipero tha se, “ashtu si çdo person tjetër jeni të riskuar për t’u infektuar. Por faktet tregojnë që gratë shtatëzëna dhe gratë e tjera në përgjithësi e kalojnë infektimin pa manifestuar simptoma”.
I pyetur se nëse në një autobus me 40 veta, ku dy janë të infektuar, sa prej udhëtarëve mund të jenë infektuar, Pipero tha se, “pjesa me e madhe e udhëtarëve rrezikojnë të jenë infektuar”.
Sa i përket dezinfektuesit që duhet përdorur, Pipero tha se, “unë do të këshilloja alkolin xhel, apo alkolin dezinfektues në farmaci. Kjo sepse alkoli i farmacisë ka një fortësi prej 60% dhe nuk e lë virusin të zhvillohet, ose e mund për pak minuta. Pas kësaj të lani duart me ujë dhe sapun”.
Duke shpjeguar se çfarë i bën koronavirusi mushkërive, Pipero tha se, “ulet sipërfaqja e shkëmbimit të oksigjenit. Nuk kalon dot oksigjeni nga mushkëria në gjak. Pra nuk bëhet dot oksigjenimi i trupit. Në këtë rast bëhet intubimi dhe ai që quajmë ventilim mekanik.
