Gara për një vaksinë Covid-19 është duke u zhvilluar, me Shtetet e Bashkuara që tashmë kanë nisur një provë klinike. Por, edhe është Kina afër. Siç raporton “South China Morning Post“, të martën, prodhuesi i vaksinave CanSino Biologics, në Tianjin në verilindje të Kinës, tha se po kërkonte vullnetarë për të marrë pjesë në një provë klinike gjashtëmujore të një trajtimi që kishte zhvilluar së bashku me Akademinë e Shkencave Mjekësore Ushtarake.
Vullnetarët duhet të jenë nga 18 deri në 60 vjeç pa histori të infeksionit me koronavirus.
“Vaksina Ad5-nCoV nuk përmban substanca infektive, është shumë e sigurt dhe e qëndrueshme dhe kërkon vetëm një inokulim,” tha Qendra Hubei për Kontrollin dhe Parandalimin e Sëmundjeve (CDC) në kërkesën e saj për vullnetarë.
Njoftimi i saj erdhi një ditë pasi SHBA bëri me dije se kishte nisur testimet për një vaksinë të re.
Vaksina po i nënshtrohet provave të kafshëve dhe pritet të hyjë në frazën klinike te njerëzit në mes të prillit.
“Hulumtimi dhe zhvillimi i një vaksine në Kinë për koronavirus është, përgjithësisht, ndër më të përparuarit në botë,” tha Wang në një konferencë shtypi në Pekin të martën. “[Ne] nuk do të jemi më të ngadaltë se vendet e tjera.”
Shpresat janë mbështetur në zhvillimin e një vaksine, veçanërisht për grupet e cenueshme siç janë të moshuarit, përballë një epidemie pa kurë të njohur që e ka sjellë botën në një ndalesë të pjesshme.
“Një vaksinë është mjeti më efektiv mjekësor për parandalimin dhe kontrollin e epidemisë, pasi që mund të ndalojë në mënyrë efektive përhapjen e virusit,” tha Lei Chaozi, drejtor i shkencës dhe teknologjisë në Ministrinë e Arsimit të Kinës.
“Vaksinat gjithashtu luajnë një rol të rëndësishëm në … stabilizimin e ekonomisë dhe mundësimin e vendit të kthehet në normalitet pasi puna dhe prodhimi rifillojnë.”
Presidenti Xi Jinping bëri thirrje për zhvillim më të shpejtë të vaksinave të koronavirusit dhe ilaçeve të trajtimit kur inspektoi Akademinë e Shkencave Mjekësore Ushtarake dy javë më parë.
Rreth 1.000 shkencëtarë kinezë kanë punuar për vaksinat, me nëntë të zhvilluara përmes pesë qasjeve të ndryshme, duke përfshirë një vaksinë joaktive, një vaksinë të bazuar në vektorin viral dhe një vaksinë gjenesh. /BoldNews.al/
