Bruno Fernandes ka vetëm fjalë të mira për shokun e tij të skuadrës në kombëtaren portugeze, Cristiano Ronaldo. Mesfushori i ri i Manchester United-it ka luajtur me CR7 në skuadrën e luzitanëve.
“Më ka pritur shumë mirë në kombëtare. Ne të rinjtë e shohim si idhull. Ditën e parë ai m’u afrua dhe më tha: ‘Po luan shumë mirë te Sportingu. Jepi dhe tregoje veten!’ Ishte një ëndërr për mua, ai erdhi tek unë dhe jo e kundërta”, është shprehur Fernandes në një intervistë për “Cronache di Spogliatoio”.
“Ato fjalë bënë diferencën. Kur shohim lojtarët më të fortë, ne i respektojmë, por ai gjest la një shenjë tek unë”, ka shtuar mesfushori i “Djajve të kuq”.
