Policia e Krujës ka dalë në një komunikatë për shtyp lidhur mbi aksidentin e ndodhur në mbrëmje në fshatin Borizanë, ku deri më tani mësohet se kanë humbur jetën 3 shtetas nga familja Visha në fshatin Larushk ndërsa një i katër ndodhet në gjendje të rëndë për jetën.
Krujë/Informacion paraprak
Më datë 18.03.2020, rreth orës 20:30, në autostradën Fushë Krujë-Laç, një mjet tip “Audi”, i ka rënë nga mbrapa një kamioni me targa Kosove dhe për pasojë, kanë ndërruar jetë 3 shtetas që udhëtonin në mjetin Audi dhe një tjetër është dërguar në gjendje kritike për jetën në spital. Grupi hetimor ndodhet në vendngjarje dhe po punon për zbardhjen e shkakut të aksidentit.
