Dy pronarë dyqanesh në Durrës janë proceduar penalisht nga policia pasi janë kapur duke abuzuar me çmimet e produkteve ushqimore dhe fruta-perimeve.
Bëhet fjalë për shtetasit A. D., 47 vjeç dhe A. V., 56 vjeç, të dy banues në Durrës.
“Gjatë kontrollit të ushtruar në njësitë e tyre tregtare, në tregun agroushqimor, në lagjen nr. 14 Durrës, është evidentuar se këta shtetas kanë abuzuar dhe përfituar nga tjetërsimi i çmimeve të artikujve ushqimor që ata tregtonin.” thuhet në njoftimin e policisë.
Materialet i kaluan Prokurorisë së Rrethit Gjyqësor Durrës, për veprën penale “Fshehja e të ardhurave”.
