Teksa jemi në javën e dytë të zhvillimit të mësimit nga shtëpia, ministrja e Arsimit Besa Shahini deklaron se rreth 80% të nxënësve janë në kontakt direkt me mësuesit e tyre.
Ajo apeloi për mësuesit që nuk kanë rënë ende në komunikim direkt me nxënësit e tyre, që ta bëjnë sa më parë, në mënyrë që edhe ky grup i vogël nxënësish të mos mbetet mbrapa me mësime.
Përmes një video në rrjetet sociale, Shahini tha se nuk është marrë ende një vendim nëse do të kemi një shtyrje të procesit mësimor përtej datës 23 mars, dhe do ta bëjë të ditur në ditët në vijim.
“Një vendim që nuk është marrë ende, por nëse merret, ne do të jemi të gatshëm që mësuesit t’i orientojmë drejt një vlerësimi që mund të bëhet përmes rrjeteve sociale, i cili do t’i mundësojë mësuesve të vlerësojnë nxënësit e njohuritë e tyre që kanë arritur deri në këtë pikë dhe të mund të vijojnë pastaj mësimin e zakonshëm pas kthimit në shkollë. Por, kjo është diçka që do t’ju informojmë më shumë ditët në vijim kur të marrim vesh nëse do ta kemi të nevojshme ta shtyjmë procesin e mësimit nga shtëpia përtej datës 23 mars”, tha ajo.
https://www.facebook.com/shahinibesa/videos/237725890606615/?__tn__=%2Cd%2CP-R&eid=ARBYXrJfnjHqsI0N9JCl5ahh9j3T4JZvVX4P4Z5wxumlpUxXCxOF0quEAOfUkEz1TL8-DteGAmZv8nDM
