Nga data 19 mars 2020, do të ndërpriten fluturimet me Austrian Airlines. Kjo u bë e ditur nga Aeroporti Ndërkombëtar i Tiranës, sipas të cilit “në vijim të situatës së krijuar për shkak të përhapjes së koronavirusit (COVID-19), Austrian Airlines ka njoftuar se duke filluar nga data 19 mars 2020 do të ndërpresë të gjitha fluturimet deri në një njoftim të dytë”.
Në njoftim thuhet se për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.
Një ditë më parë Aeroporti Ndërkombëtar i Tiranës njoftoi edhe ndalimin e dy fluturimeve të tjera.
Nga data 17 mars 2020, ndërpriten fluturimet me Britaninë
Në vijim të situatës së krijuar për shkak të përhapjes së COVID-19, Qeveria Shqiptare ka njoftuar se, në perpjekje për të ndalur përhapjen e koronavirus (Covid-19) fluturimet për dhe nga Anglia do të ndërpriten duke filluar nga data 17 Mars 2020, deri në një njoftim të dytë.
Ndërpriten fluturimet me Stambollin.
“Në vijim të situatës së krijuar për shkak të përhapjes së koronavirusit (COVID-19), Air Albania ka njoftuar se fluturimet e darkës, ZB1003 dhe ZB1004 për Stamboll do të ndërpriten duke filluar nga data 18 mars 2020 deri më 30 mars 2020.
Fluturimet e mëngjesit ZB1001 dhe ZB1002 do të operojnë normalisht sipas orareve të përcaktuara. Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.”
