Olga Kurylenko është një ndër aktoret më të njohura dhe më seksi, ajo ka luajtur përkrah James Bond.
Së fundmi ajo është prekur nga Covid-19 dhe këtë e ka pohuar vetë në rrjete sociale.
“E izoluar në shtëpi pasi rezultova pozitivisht me Koronavirus. Unë në fakt jam sëmurë për gati një javë. Ethet dhe lodhja janë simptomat e mia kryesore”,- është shprehur aktorja ndërsa ka theksuar që të kujdesemi për veten dhe ta marrim seriozisht këtë epidemi.
Ndër të tjera ajo ka treguar se nuk i lë pas kurat tradicionale.
“Për të ulur temperaturën, ata thanë që të marrim Paracetamol, gjë që unë e bëj. Kjo eshte e gjitha. Asgjë më shumë për të bërë. Sigurisht, unë ende marr vitamina për veten time. Ha hudhra për sistemin imunitar. Pi ujë. Shtrydhni limon në ujë. Kjo është e gjitha”- ka thënë aktorja 40-vjeçare.
