Pas konfirmimit të rasteve se mjekë dhe infermierë kanë rezultuar pozitivë me Covid 19, ministrja e Shëndetësisë Ogerta Manastirliu i ka drejtuar një apel qytetarëve që të zbatojnë vendimin për qëndrimin në shtëpi.
“Duket e vështirë por është thjesht të bësh më të mirën, për veten dhe kë të rrethon!”, shkruan Manastirliu në rrjetin social.
Në vijim, ajo thekson se personeli mjekësor është në krye të detyrës si çdo ditë, por që t’u shërbejë qytetarëve, duhet të zbatohet rregulli që të mos drejtohemi në spitale pa patur urgjencë shëndetësore dhe nëse keni shenja të Covid-19 të telefoni Urgjencën Kombëtare në numrin 127 dhe të ndiqni udhëzimet që do ju jepen!
“Sjellja individuale është thelbësore në kufizimin e përhapjes së Covid-19 ndaj kërkojmë bashkëpunimin e secilit prej jush”, thuhet në mesazhin e Manastirliut.
