Kryeministri Edi Rama njoftoi përmes rrjeteve sociale se në orët e pasdites do të ketë një telefonatë me presidenten e Komisionit Europian, Ursula Von De Leyen.
Kreu i qeverisë falenderon qytetarët për mirëkuptimin e këtyre ditëve, ndërsa sipas tij duhet pasur durim për masat e karakterit ekonomik.
Prej disa ditësh Rama, i vetëkarantinuar në banesën e tij në Surrel, Rama jep mesazhe për qytetarët, njofton masat për parandalimin e përhapjes së koronavirusit, ndërsa këtë javë e ka cilësuar si vendimtare, lidhur me numrin e rasteve që do të identifikohen.
Postimi i plotë i Ramës:
🔴 SOT PASDITE BISEDË TELEFONIKE ME PRESIDENTEN E KOMISIONIT EUROPIAN, URSULA VON DER LEYEN. MË PAS, NË ORËN 18.30, DO T’JU KOMUNIKOJ MESAZHIN TIM TË DREJTËPËRDREJTË!
🔴 FALEMINDERIT TË GJITHËVE PËR MIRËKUPTIMIN FANTASTIK DHE ZBATIMIN MBRESËLËNËS TË RREGULLAVE TË LUFTËS, QË ME KËTË UNITET TË FORTË DO TA PËRBALLOJMË ME PATJETËR!
🔴 BESIM SE GJITHÇKA PO BËJMË ËSHTË GJËJA E DUHUR, NË ÇDO HAP E ÇDO DITË DHE DURIM, DURIM, DURIM, SEPSE KJO LUFTË NUK DO TË JETË E SHKURTËR DHE S’ËSHTË GJËKUNDI NJË LOJË KUKAMÇEFTHI, KU PO U “FSHEHËM” NJË JAVË I’A HODHËM!
🔴 JU SIGUROJ TË GJITHËVE SE PO PUNOJMË DITË-NATË PËR TË MOS LËNË VETËM ASNJË SHQIPTAR DHE PËR TË BËRË GJITHÇKA PËR SHËNDETIN E PËR EKONOMINË FAMILJARE DHE KOMBËTARE PO ASHTU!
🔴 DURIM, DURIM, DURIM! FRIKË ASPAK, KUJDES PO! DO T’IA DALIM EDHE KËSAJ LUFTE MEDOEMOS!
