Kryeministri Edi Rama ka publikuar në rrjet të dhënat mbi 20 pacientët e shtruar në pavionin e Infektivit, pasi rezultuan pozitivë me Covid 19.
10 nga pacientët janë të moshës 60-85 vjeç, 6 janë të moshës 50-60 vjeç dhe 4 janë të moshës 30-49 vjeç.
Rama shkruan se 3 prej të shtruarve janë në reanimacion, pra në terapi intensive, dhe 1 prej tyre me frymëmarrje të drejtuar.
Pacientët e tjerë janë në gjendje të qëndrueshme.
Deri mesditën e së dielës, numri i personave të prekur nga koronaviruesi ka shkuar në 42. Rama ka paralajmëruar se gjatë kësaj jave pritet një shtim i rasteve të identifikuara.
Në Shqipëri vetëm një grua humbi jetën si pasojë e Covid 19, ndërsa Tirana rezulton me numrin më të lartë të të prekurve, deri mesditën e së dielës, me 26 raste tëkonfirmuara.
Postimi i Edi Ramës
🔴 SOT, NË VIGJILJE TË JAVËS QË SIPAS TË GJITHA STATISTIKAVE NGRE FURTUNËN KEMI TË SHTRUAR 20 MOTRA E VËLLEZËR, NGA TË CILËT
10 JANË TË MOSHËS 60-85 VJEÇ
6 JANË TË MOSHËS 50-60 VJEÇ
4 JANË TË MOSHËS 30-49 VJEÇ
🔴 VETËM 3 PREJ TË SHTRUARVE JANË NË REANIMACION DHE 1 PREJ TYRE ME FRYMËMARRJE TË DREJTUAR. TË TJERËT JANË NË GJENDJE TË QËNDRUESHME DHE 3 NGA KËTA SHFAQIN SHENJA INKURAJUESE PËRMIRËSIMI
🔴 ZOTI U DHËNTË MJEKËVE E INFERMIERËVE QË KUJDESEN PËR TA TË GJITHË FORCËN E FRYMËZIMIN QË U DUHET DHE LUTJET TONA LEHTËSOFSHIN RRUGËN E KTHIMIT NË JETËN NORMALE TË ÇDONJËRIT PREJ TË SHTRUARVE
