Familjarët e lojtarit të Tottenham, Jan Vertonghen, kanë përjetuar momente tmerri, pasi disa persona të maskuar janë futur në shtëpinë e mbrojtësit.
Ngjarja ka ndodhur gjatë javës së kaluar, në momentet teksa po zhvillohej ndeshja, mes Leipzig dhe Tottenham në Ligën e Kampioneve. Duke ditur që ai ishte në Gjermani, grabitësit kanë mësyrë në shtëpinë e tij.
Në momentin e ngjarjes, në shtëpinë e Vertonghen në Angli, ndodheshin bashkëshortja e tij dhe dy fëmijët e vegjël. Grabitësit kanë kërkuar para dhe sende me vlerë ndërsa gjatë kësaj kohe kanë qenë në kërcënimin e mjeteve të mprehta.
Mediat në Angli, raportojnë se duke qenë nën presionin e madh, gruaja e futbollistit, Sophie De Vries, ka ndjekur urdhrat e grabitësve duke u dorëzuar disa sende me vlerë.
Aktualisht ngjarja nuk është zbardhur ende dhe për këtë po punon policia lokale.
