Ashtu si në shumë vende të botës edhe në Shqipëri, për shkak të coronavirusit, shumë aktivitete të cilat pak ditë më parë i konsideronim normale, janë të pezulluara.
Nga bota e futbollit, të shumtë kanë qenë ata të cilët me mesazhet e tyre kujdesen të japin këshillat e tyre për të kaluar këtë situatë të vështirë. Në Shqipëri e fundit që e bën këtë, është klubi i futbollit të Partizanit, të cilët nëpër rrjetet sociale kanë shpërndarë një video sensibilizuese.
Nëpërmjet kësaj video të titulluar “Së bashku e fitojmë ndeshjen e jetës”, që fillon me trajnerin Sormani dhe përfundon me mjekun, Partizani iu bën thirrje të gjithë njerëzve që të qëndrojnë në shtëpi, për të mirën e tyre, familjes dhe njerëzve që i rrethojnë.
