Për shkak të Coronairusit, të premten presidenti i Barcelonës, Josep Maria Bartmeu njoftoi se të gjitha aktivitetet e klubit ishin të pezulluara.
Ndërsa pak më shumë se 100 vjet më parë, presidenti i atëhershëm i Barcelonës, Joan Gamper, sfidoi vendimin e Federatës Spanjolle të Futbollit për të pezulluar ndeshjet, ndërsa vendin e kishte mbërthyer pandemia.
Në tetor të vitit 1918, filloi Kampionati Katalanas i 15-të. Kjo gjë ndodhi në mesin e epidemisë më vdekjeprurëse të të gjitha kohërave, e ashtuquajtura gripi Spanjoll që vrau rreth 50 milionë njerëz në të gjithë botën.
Shumë evente në atë kohë u anuluan, disi në mënyrë anarkike, në të gjithë shtetin spanjoll. Duke u përballur me këtë situatë, guvernatori i qytetit, me kërkesë të Bordit të Shëndetit, ndër të tjera mori hapat e mëposhtme:
“Ndeshjet e futbollit do të pezullohen, teatri, kinemaja dhe aktivitetet e tjera do të mbyllen dhe masa të rrepta për higjienën publike do të merren”.
Por gjithsesi duke parë gjendjen alarmante, klubet në Kampionatin Katalanas, i konsideruan këto masa si totalisht të padrejta.
Për të kundërshtuar këtë vendim, u formua një komision i cili u drejtua nga Joan Gamper, dhe ajo kundërshtoi pezullimin, duke vënë në dyshim përse lojërat e futbollit ishin anuluar kur atletika, tenisi dhe sportet e tjera nuk ishin.
Ministria Spanjolle e Shëndetit diskutoi mbi argumentet e komisionit dhe përfundimisht lejoi që lojërat të luheshin si zakonisht edhe pse gjendeshin përballë pandemisë vdekjeprurëse.
