Presidenti Donald Trump rezultoi negativ ndaj koronavirusit, sipas një njoftimi nga Shtëpia e Bardhë.
Trump u nxit të bënte testin pasi sekretari për shtyp i Presidentit të Brazilit, i cili kishte drekuar me dy presidentët në rezidencën Mar-a-Lago, rezultoi pozitiv me koronavirus.
Presidenti brazilian, Bolsonaro tha të premten se ai ishte negativ në testin për virusin. Deri të premten Trump kishte thënë se ai nuk ishte aspak i shqetësuar. Dhe mjeku i Shtëpisë së Bardhë e kishte mbështetur.
Por “pas një diskutimi të thellë me Presidentin në lidhje me testimin e COVID-19, ai zgjodhi ta bëjë testin”. Trump pohoi të shtunën para gazetarëve se e kishte kryer testin dhe priste përgjigjen.
Gjendja shëndetësore e Presidentit ka qenë në diskutim pasi ai ka qenë në kontakt jo vetëm me sekretarin Brazilian, por edhe me dy persona të tjerë të testuar pozitivë për virusin.
