Ndërsa ditën e djeshme u anulua miqësorja mes Anglisë dhe Italisë, sot u mor i njëjti vendim edhe për sfidën tjetër testuese të skuadrës së Roberto Mancinit, atë ndaj Gjermanisë, që ishte parashikuar për më 31 mars në Nuremberg.
Vendimi është marrë ditën e djeshme, kur drejtuesit lokalë të Nurembergut njoftuan Federatën Gjermane të Futbollist se nuk mund të organizojnë asnjë event, ku përfshihen më shumë se 100 persona.
Fillimisht u vendos që sfida të luhej pa praninë e tifozëve, por duke parë që të gjithë eventet sportive janë pezulluar dhe vështirësitë në fluturime, u vendos përfundimisht anulimi i saj.
Këto ndeshje miqësore, ishin të programuara në kuadër të përgatitjeve të skuadrave për “Euro 2020”.
