Dy ditë më parë në emisionin Open, një qytetar që po intervistohej denoncoi se miku i tij mund të ishte i infektuar me covid-19.
Qytetari me insistim kërkonte prezencën e mjekëve për ta verifikuar këtë pasi megjithëse i kishin telefonuar disa herë 127-ës nuk kishin marrë përgjigje dhe as mjeku nuk kishte shkuar në shtëpi, pavarësisht se siç qytetari tregoi miku i tij kishte ditë me temperaturë të lartë.
Pas komunikimit me shefin e emergjencës Kombëtarë Skëndër Brataj, mjekët shkuan të verifikonin rastin në fjalë.
Ndërkohë sot TCH konfirmoi se miku i qytetarit kishte rezultuar pozitiv me covid-19, por gjendja e tij është e mirë.
Ndërsa miku i tij nuk ka shfaqur asnjë shenjë të covid-19, por megjithatë ai është vetë izoluar për çdo rast.
Ajo që e bën dhe më flagrantë rastin është se atë mbrëmje qytetari denoncues pati kontakt dhe me shefin e Emergjencës Kombëtare Skënder Brataj, i cili ishte pa asnjë mjet mbrojtës.
Le të shpresojmë që qytetari denoncues të mos jetë pozitiv, pasi do të ishte një efekt zinxhir dhe për kontaktet e tjera të tij.
