Testimet e para për vaksinën e koronavirusit te njerëzit do të realizohen brenda pak ditësh në SHBA. Kështu raporton Daily Mail.
Sipas saj, amerikanët po nxitojnë për vaksinën dhe kanë shmangur fare fazën e testimit te kafshët, duke kaluar testimet direkt te njerëzit. Fillimisht testimi do bëhet te vullnetarët e shëndetshëm. Më pas testimi do të nisë testimi te pacientët, nëse vlerësohet i sigurt.
Ky lajm vjen në kohën kur shkencëtarët në Britani thonë se testimet te njeriu do bëhen në qershor pas rezultateve inkurajuese te minjtë.
Po sot u raportua se studiuesit kanë ndërmarrë një hap të madh drejt vaksinës. Kështu shkruan gazeta Neë York Times.
Ata ia kanë dalë të izolojnë virusin SARS-CoV-2, i cili mbart vetitë sëmundjeshkaktuese të Covid-19. Pasi e kanë izoluar, ata kanë krijuar një klon. Me këtë klon mund të nisin trajtimet dhe të punohet për testimin e vaksinës në laborator.
Shkencëtarët e kishin marrë virusin nga dy pacientë kanadezë.
Një karakteristikë e veçantë: kloni laboratorik i virusit mund të rritet relativisht lehtë nëpër laboratore. Tani mund të përdoret për të kryer hulumtime në mbarë botën- edhe kur nuk ka njerëz të sëmurë, të cilëve mund t’u merren mostra.
Përveç një vaksine të mndshme, efektiviteti i ilaçeve të ndryshme është duke u testuar në mbarë botën.
Ndër të tjera, janë testuar me sukses ilaçe të njohura kundër HIV dhe Ebolas.
Hapa të rëndësishëm po bëhen në luftën kundër virusit të koronës.
