Mauro Icardi sezonin e ardhshëm nuk do të jetë një futbollist i PSG-së. Këtë gjë e ka konfirmuar gazetari italian, Nico Schira, i cili thekson se argjentinasi nuk është në planet e klubit francez.
Duke parë këtë situatë, Juventusi ka nisur bisedimet me menaxheren dhe njëkohësisht bashkëshorten e Icardit, Wanda Nara, për një transferim të mundshëm në Torino.
Sipas mediave në Itali, Juventusi është i gatshëm të paguajë rreth 65 milionë euro për Icardin duke menduar kështu për zëvendësimin e Higuain i cili në këtë sezon nuk po bind aspak.
