Mamaja e një fëmije vetëm 6-muajsh paralajmëroi njerëzit që të mos puthin fëmijët e vegjël pasi djali i saj u dërgua në spital me herpes. Ai rrezikoi edhe jetën.
Stephanie Shady, nga SHBA, druhej se i biri Lincoln mund të humbiste jetën për shkak të virusit të herpesit. Ky virus transmetohet kur të puth dikush me virusin.
Amerikania tha se ajo vuri re flluskat e vogla në fytyrën e djalit më 17 shkurt. Brenda pak orësh, fytyra e tij u skuq dhe ai nisi të qante pa pushim.
Fëmija u dërgua në spital dhe mjekët i thanë se e ka marrë virusin nga puthja. Për këtë arsye, 32-vjeçarja ka nisur një fushatë ndërgjegjësimi.
Pas diagnostikimit, bebes iu dha mjekim antiviral për dhjetë ditë dhe antibiotikë. Pas një muaji, plagët nisën të shërohen. Herpesi është i rrezikshëm për fëmijët e vegjël pasi nuk e kanë akoma të fortë sistemin imunitar.
